БНСУ-ын Bucheon хотын Засаг дарга Жу Юнг Иг болон Soon Chun Hyang их сургуулийн харъяа Bucheon эмнэлгийн Ерөнхий захирал Мүн Жун Ху тэргүүтэй эмч мэргэжилтнүүдийн төлөөлөл Гэмтэл согог судлалын үндэсний төвд зочилж, албан ёсны уулзалт хийлээ. 
Тус үйл ажиллагаанд ГССҮТ-ийн захирал Э.Галбадрах, Эмнэлзүй хариуцсан дэд захирал Л.Дагвадорж болон албаны бусад хүмүүс оролцсон юм. 
Энэхүү уулзалтаар БНСУ-ын Soon Chun Hyang их сургуулийн харъяа Bucheon эмнэлгийн зүгээс ГССҮТ-тэй эрүүл мэндийн тусламж үйлчилгээ, дэвшилтэт технологи, эмч мэргэжилтнүүдийг сургаж чадавхижуулах, харилцан туршлага солилцох чиглэлд хамтарч ажиллах, цаашид авч хэрэгжүүлэх ажлуудын талаар санал солилцлоо.
Түүнчлэн энэ хүрээнд Монгол Улсад эмчлэгдэх боломжгүй нурууны хүнд хэлбэрийн эмгэгийг эмчлэх үндэсний багийн гишүүн, ГССҮТ-ийн Нурууны мэс заслын тасгийн их эмч М.Цэлмэг Soon Chun Hyang их сургуулийн харъяа Bucheon эмнэлэгт суралцаж, мэдлэг чадвараа дээшлүүлсэн тухай мэдээллийг хүргэлээ.